April 4, 2025
1230x100

उदयपुर बेल्टारमा भीषण आगलागी: तीन घर पूर्ण रूपमा ध्वस्त, करोडौँको क्षति

उदयपुर बेल्टारमा भीषण आगलागी: तीन घर पूर्ण रूपमा ध्वस्त, करोडौँको क्षति
Gif-900x100-1

उदयपुर बेल्टारमा भीषण आगलागी: तीन घर पूर्ण रूपमा ध्वस्त, करोडौँको क्षति

केशब बराल
मिति: २०८१ चैत ५

उदयपुर जिल्लाको चौदण्डीगढी नगरपालिका–७, बेल्टारस्थित कल्याणचोकमा आज दिउँसो भीषण आगलागी हुँदा तीन घर पूर्ण रूपमा ध्वस्त भएका छन् भने करिब १ करोड २२ लाख रुपैयाँ बराबरको क्षति भएको छ।

विद्युत सर्टका कारण आगलागी
आज दिउँसो करिब २:४० बजे शरण कुमार राईको घरबाट विद्युत सर्ट भई आगलागी सुरु भएको थियो। आगलागीको कारण शरण कुमार राई, सर्वधन राई, र कालुमान राईका घरहरू पूर्ण रूपमा जलेर नष्ट भएका छन्।

दमकल र सुरक्षाकर्मीको तत्परता

घटनापछि तत्कालै बेल्टार इलाका प्रहरी कार्यालयबाट प्रहरी निरीक्षक बबिन राईको कमाण्डमा १० जना प्रहरी टोली, स्थानीय बासिन्दा र तीनवटा दमकल परिचालन गरी आगो नियन्त्रण प्रयास गरिएको थियो। थप नेपाल प्रहरी, सशस्त्र प्रहरी र अन्य तीन वटा दमकल (चौदण्डीगढी नगरपालिका, रौतामाई गाउँपालिका, कञ्चनरुप नगरपालिका सप्तरी) को सहयोगमा साझँ ५:०० बजे आगो पूर्ण रूपमा नियन्त्रणमा ल्याइएको थियो।

एक जना घाइते, करोडौँको क्षति

आगो निभाउने क्रममा छिमेकी कृतिमान राईको हात जलेर सामान्य घाइते भएको र उनलाई उपचारका लागि नगर अस्पताल बेल्टार पठाइएको छ। भाग्यवश, कुनै पशुचौपायाको क्षति भने भएको छैन।

पूर्ण रूपमा क्षति भएका घरहरू:

१. शरण कुमार राई – ३० लाख क्षति (६ जनाको परिवार)
२. सर्वधन राई – ५० लाख क्षति (६ जनाको परिवार)
3. कालुमान राई – ३५ लाख क्षति (९ जनाको परिवार)

आंशिक क्षति भएका घरहरू:

रबिन्द्र राई – २ लाख

अम्मर बहादुर राई – १.५ लाख

विजय राई – २ लाख

कुमार राई – १.५ लाख

 

जनप्रतिनिधिहरूलाई क्षतिपूर्तिको पहल गर्न आग्रह

स्थानीय बासिन्दाहरूले पीडित परिवारहरूलाई तुरुन्त राहत र क्षतिपूर्ति उपलब्ध गराउन स्थानीय जनप्रतिनिधि र सरकार तथा सम्बन्धित निकायलाई अपिल गरेका छन्। स्थानीय प्रशासन, संघसंस्था र जनप्रतिनिधिहरूले पीडितहरूको पुनःस्थापनाका लागि आवश्यक कदम चाल्नुपर्ने पीडित पक्षको माग छ।

स्थानीय प्रशासनले आगलागीको थप अनुसन्धान गरिरहेको छ।

900X1002

सम्बन्धित खबरहरु

IMG-20240718-WA0003

भर्खरै